Samið við Háskólann í Reykjavík um heilbrigðisverkefni í Malaví

30.7.2009

Samið við HR um heilbrigðismál

Fyrstu sjúklingarnir voru lagðir inn á Monkey Bay sjúkrahúsið árið 2002. Íslendingar hafa stutt við verkefnið frá árinu 2000. Ljósmynd: Skarphéðinn Þórisson.

Þróunarsamvinnustofnun Íslands hefur samið við Háskólann í Reykjavík um sérfræðiaðstoð með framkvæmd heilbrigðisverkefnis í Malaví sem lýtur m.a. að starfsemi sjúkrahússins í Monkey Bay sem byggt var fyrir íslenskt þróunarfé. Aðgerðaáætlun um stuðning við uppbyggingu heilbrigðisþjónustu á þessu svæði var upphaflega gerð við heilbrigðisráðuneytið í Malaví árið 2000.

Samkvæmt samningnum við Háskólann í Reykjavík felur hann í sér kaup á ráðgjöf varðandi stjórnun og eftirlit með framkvæmd verkefnisins, en einnig svokallaða grunngildaathugun og setu í verkefnisstjórn sjúkrahússins.