Stefán Jón Hafstein verður umdæmisstjóri í Malaví

5.12.2007

Stefán Jón Hafstein

Stefán Jón Hafstein verður næsti umdæmisstjóri Þróunarsamvinnustofnunar Íslands í Malaví. Hann tekur við starfinu fyrri hluta næsta árs af Skafta Jónssyni sem snýr heim eftir ársdvöl. Stefán Jón hefur á þessu ári verið verkefnastjóri ÞSSÍ í Namibíu.

Af sex samstarfslöndum Þróunarsamvinnustofnunar eru umsvifin mest í Malaví en fjórðungur af fjármagni ÞSSÍ á síðasta fór til verkefna í þessa fátæka Afríkuríki. Malaví var í fjórtánda neðsta sæti í vísitölunni um þróun lífskjara í heiminum sem kynnt var á dögunum.

,,Ég hef kunnað vel við mig í Namibíu en þetta tilboð um að gerast umdæmisstjóri í Malaví þar sem eru umfangsmestu verkefni ÞSSÍ í Afríku er mjög mikill heiður fyrir mig og áskorun sem ég vík mér ekki undan," segir Stefán Jón.

Staða verkefnisstjóra í Namibíu hefur verið auglýst.