Formleg afhending á sjúkrabíl í Níkaragva

4.3.2008

Útvarpsviðtal

Séra Hjálmar í útvarpsviðtali í beinni útsendingu frá athöfninni við Mæðrahúsið.

Mynd 1 af 2

« fyrri næsta »

1 2

Hjálmar Jónsson dómkirkjuprestur og stjórnarmaður í Þróunarsamvinnustofnun Íslands afhenti á dögunum Rauðakrossdeild borgarinnar Camoapa í Níkaragva nýjan sjúkrabíl. Bíllinn var afhentur í fyrstu vettvangsferð fullrúa stjórnar ÞSSÍ og framkvæmdastjóra til Níkaragva en Íslendingar tóku upp þróunarsamvinnu við þetta fátækasta ríki Mið-Ameríku á árinu 2006.

Meðal fyrstu félagslegu verkefna Íslendinga í landinu er stuðningur við Mæðrahús í strjálbýli en slík hús er byggð í grennd við sjúkrahús sem þjóna stórum dreifbýlum svæðum. Mæðrahúsin eru sérstaklega ætluð konum fyrir og eftir fæðingu, einkum þeim sem eru í áhættu af ýmsum ástæðum. Sjúkrabíllinn í Camoapa nýtist ekki síst verðandi mæðrum í Mæðrahúsinu sem þurfa oft með litlum fyrirvara að fara á sjúkrahúsið í sveitarfélaginu.

Í tilefni af afhendingu sjúkrabílsins var efnt til hátíðar við Mæðrahúsið þar sem fluttar voru þakkarræður og stúlkur sýndu þjóðdansa. Í forföllum kaþólska sóknarprestsins fór séra Hjálmar með bænarorð og allir viðstaddir tóku undir Faðirvorið á móðurmáli sínu.