Þróunarsamvinnustofnun á Menningarnótt

21.8.2008

Starfsemi ÞSSÍ kynnt á Menningarnótt

Samstarfslönd ÞSSÍ og þróunarsamvinna Íslendinga verða kynnt á Menningarnótt. Myndin er frá Namibíu. Ljósmynd: Gunnar Salvarsson.

Þróunarsamvinnustofnun Íslands kynnir starfsemi sína á Menningarnótt Reykjavíkurborgar með utanríkisráðuneytinu sem fyrst ráðuneyta verður með opið hús laugardaginn 23. ágúst í húsakynnum sínum við Rauðarárstíg milli kl. 14 og 18.

Eitt af mörgum veggspjöldum um utanríkismál er helgað starfsemi Þróunarsamvinnustofnunar sem starfar á grundvelli tvíhliða milliríkjasamninga í sex samstarfslöndum, fjórum Afríkuríkjum, Malaví, Mósambík, Úganda og Namibíu, Mið-Ameríkuríkinu Níkaragva og Srí Lanka í Asíu. Starfsmenn ÞSSÍ verða á staðnum og svara spurningum almennings.

Sjá nánar á heimasíðu utanríkisráðuneytisins:

http://www.utanrikisraduneyti.is/menningarnott-2008/