Ársskýrsla Þróunarsamvinnustofnunar Íslands fyrir árið 2009 er komin út. Hún er gefin út bæði á íslensku og ensku og greinir ítarlega frá starfseminni í samstarfslöndum Íslands í tvíhliða þróunarsamvinnu.

"Hvernig birtist fátækt í daglegu lífi í landi eins og Malaví? Götur höfuðborgarinnar eru skörðóttar og holóttar, þar eru gangstéttar fátíðar og götulýsing næstum engin. Byggðir eru dreifðar og mest kofar á mismunandi stigum, þótt sæmileg millistéttarhverfi birtist inni á milli. Símkerfi virkar illa, rafmagnsskortur setur svip á daglegt líf, enda er heildarframleiðsla í 13 milljóna manna landi minni en nemur hálfri Kárahnjúkavirkjun; sex prósent íbúa hafa aðgang að rafmagni.

"Þar sem rík áhersla er nú lögð á eignarhald heimamanna á öllu þróunarstarfi má færa gild rök fyrir því að setja þurfi skilyrði um þátttöku kvenna í öllum þróunarverkefnum og á öllum stigum þróunarstarfsins," segja þær Þórdís Sigurðardóttir og Ágústa Gísladóttir í grein í ÞRÓUNARMÁl, upplýsingariti Þróunarsamvinnustofnunar.
 

"Fólkið hér nýtur nú betri heilsu en nokkru sinni fyrr vegna hreins og ómengaðs vatns og betrumbættra hreinlætisvenja og aðstöðu. Ólæsi er að þurrkast út vegna skólanna sem hafa verið byggðir og börnin okkar njóta nú menntunar. ÞSSÍ hefur byggt sjúkrahús og heilsugæslustöðvar og fólk fær þar aðhlynningu. Mannslífum er bjargað. Svo við sjáum árangurinn afar greinilega. Það er þess vegna sem ég vil ekki fyrir nokkra muni að ÞSSÍ yfirgefi okkur," segir Welemu Masina, höfðingjann af Nankumba í viðtali við Levi Soko, aðstoðarverkefnisstjóra ÞSSÍ í Malaví.

Boraðar hafa verið sjö síðustu holurnar fyrir Ovahimba, hirðingaþjóðflokkinn í Norður-Namibíu, sem fær frá Íslendingum 33 vatnsból áður en Þróunarsamvinnustofnun kveður landið eftir tuttugu ára samvinnu. Síðustu vatnsbólin verða afhent síðar á árinu. Gunnar Salvarsson kynningarstjóri ÞSSÍ fór með Davíð Bjarnasyni verkefnastjóra í Namibíu á fund Himbanna, eins og þeir kallast í daglegu tali, og hitti m.a. Kanjokatungu Tjiumbua sem er starfandi vatnsnefndarformaður í Etara.

"Hnitmiðuð þróunarsamvinna er hluti af einbeittri viðleitni okkar til að byggja upp traust á Íslandi á nýjan leik og sýna í verki, að við látum okkur varða um hag þeirra verst settu í heiminum," segir Össur Skarphéðinsson utanríkis-ráðherra í grein í upplýsingariti Þróunarsamvinnustofnunar sem fylgdi Fréttablaðinu í morgun.
 

Þróunarsamvinnustofnun Íslands auglýsir tvær stöður starfsnema lausar til umsóknar. Um er að ræða fjögurra mánaða starfsþjálfun í Malaví og Mósambík tímabilið 16.ágúst til 15.desember. Starfsnemar fá tækifæri til að kynnast starfsemi stofnunarinnar á vettvangi og fá innsýn í ólíkar hliðar starfsins. Umsóknarfrestur er til 7.júní.

„Íslendingar standa vissulega framarlega í þekkingu á nýtingu endurnýjanlegra orkulinda - einkum jarðhita. Það er hins vegar í ætt við steigurlæti þjóðrembunnar, sem varð okkur að falli, að halda að við stöndum þar framar öllum öðrum þjóðum. Vissulega er þekking okkar og reynsla af virkjun jarðhita mikil en aðrar þjóðir svo sem Japanir, Bandaríkjamenn, Nýsjálendingar og Ítalir, hafa þar einnig yfir mikilli þekkingu að búa. Tækifæri okkar til þess að nýta þekkingu okkar til framfara fyrir heimsbyggðina eru óendanleg," segir Sighvatur Björgvinsson framkvæmdastjóri Þróunarsavminnustofnunar Íslands.

Nýr vefur með upplýsingum um framlög til þróunarmála hefur verið opnaður: http://www.aiddata.org/. Vefurinn heldur utan um upplýsingar um fjárframlög til þróunarsamvinnu og er ætlað að veita yfirgripsmeiri og ítarlegri upplýsingar um þróunarverkefni en áður hefur þekkst. Síðan gerir þar með tilraun til að kortleggja þróunarsamvinnu og auka gagnsæi í því skyni að bæta samstarf og áætlanagerð framlagsríkja og samstarfslanda þeirra.

Um þrjátíu nemendur í Kennaraskólanum í Windhoek, höfuðborg Namibíu, hafa valið táknmál sem valgrein í námi sínu við skólann. Boðið var í fyrsta sinn á síðasta ári upp á þennan möguleika í skólanum fyrir áeggjan og stuðning umdæmisskrifstofu ÞSSÍ í landinu en stærsta verkefni ÞSSÍ í Nambíu er á sviði menntunar fyrir heyrnarlausa. Um fimmtán nemendur eru á fyrsta ári í táknmáli og svipaður fjöldi á öðru ári.

„Þeir sem starfa að þróunarmálum hafa tækifæri til að taka þátt í því að breyta lífsskilyrðum fólks til hins betra og það er bæði mjög heillandi hugmynd og mögnuð upplifun. Í gegnum starfið sérðu verða breytingar á lífi fólks og það er ótrúlega góð tilfinning að eiga hlutdeild í auknum lífsgæðum," segir Drífa Hrönn Kristjánsdóttir í viðtali en hún er stýrir stærsta verkefni Þróunarsamvinnustofnunar Íslands, þróunarverkefni í Kalangala héraði úti á eyjum í Viktoríuvatni í Úganda. Verkefnið hófst árið 2006 og lýkur árið 2015.

Rúmlega 50% íbúa í sumum fiskimannaþorpum á Ssese eyjum í Úganda eru smitaðir af HIV veirunni og almennt fer hlutfall smitaðra hækkandi, að sögn Dr. Hillary Mitakalamire, sem stýrir heilbrigðismálum á héraðsskrifstofunni á Buggala eyju. Lífshættir farandverkamanna sem flytja frá einni verbúð til annarrar eru stór orsakavaldur í útbreiðslu HIV veirunnar. Landfræðileg lega eyjanna og samgönguerfiðleikar leiða til þess að fæstir HIV smitaðir eru í lyfjameðferð, eða aðeins einn af hverjum tíu.

Fullorðinnafræðsla hefur lengi verið snar þáttur í starfsemi Þróunarsamvinnustofnunar Íslands í Úganda. Framkvæmd hennar hefur tekið nokkrum breytingum á síðustu misserum að sögn Geir Oddssonar sem fer með þann málaflokk á umdæmisskrifstofunni í Kampala.

Ólöglegar fiskveiðar, bæði við strendur Afríku og í vötnum álfunnar, fela í sér stórkostlegan tekjumissi fyrir fátæka íbúa. Í nýrri grein eftir Guðmund Val Stefánsson verkefnisstjóra fiskimála í Mósambík gerir hann grein fyir umfangi vandans og leiðum sem ákveðið hefur verið að fara til að bregðast við þessari rányrkju. Verkefnastuðningur ÞSSÍ í samvinnu við utanríkisráðuneyti Noregs í Mósambík er hluti af þessari viðspyrnu gegn ólöglegum og óskráðum fiskveiðum við strendur Afríku.

„Almennt talað tel ég að auðlindamál, umhverfismál og þar með talin loftslagsmál eigi að vera þungamiðja í þróunarsamvinnu okkar. Ég er líka hlynntur því að við styðjum samfélagsþróun og ef við veljum að einbeita okkur að tilteknum svæðum í því sambandi er nærtækast fyrir okkur Íslendinga að líta til fiskimannasamfélaganna.

Um miðjan janúar síðastliðinn lét umdæmisstjóri Þróunarsamvinnustofnunar Íslands (ÞSSÍ) í Mósambík af störfum þar eð ráðningartímabili hans var lokið og nýr umdæmisstjóri tók við starfinu. Við umdæmisstjóraskiptin komu í ljós nokkur dæmi um fjármálamisferli sem fráfarandi umdæmisstjóri viðurkenndi.

“San börn geta nú sökkt sér ofan í eigin menningu í gegnum miðil sem skrifaður er á þeirra eigin móðurmáli, þökk sé San höfundum og tungumálanefndum sem að verkefnu komu til að veita innsýn í menningu og umhverfi San fólksins. Námsefnið mun efalítið hjálpa til við að skapa undirstöðu fyrir framtíðarmenntun þeirra, menningarlega vitund og stolt."

Nýkjörinn þingmaður Apaflóa (Monkey Bay) kjördæmis í Mangochi héraði í Malaví, Ralph Jooma, heimsótti nýverið starfsfólk ÞSSÍ á svæðinu og kynnti sér þróunarverkefnin sem þar eru unnin í samstarfi við heimamenn. Við það tækifæri sagðist þingmaðurinn hafa orðið var við mikla ánægju íbúa á svæðinu með störf ÞSSÍ sem hann taldi ekki bara sýnileg heldur afar gagnleg fyrir uppbyggingu og þróun í Apaflóa.

"Sendinefndin hreifst mjög af getu Íslendinga á sviði jarðhitamála og miklum árangri jarðhitaverkefnis Jarðhitaskóla háskóla Sameinuðu þjóðanna," segir Helge Semb framkvæmdastjóri Norræna þróunarsjóðsins.

Bingu wa Mutharika forseti Malaví og Joyce Banda varaforseti landsins kynntu sér á dögunum verkefni Þróunarsamvinnustofnunar Íslands í sunnanverðu landinu í tilefni af hátíðahöldum sem fram fóru á alþjóðlegum degi kvenna í strjálbýli, fimmtudaginn 15. október. Þema dagsins var: Mæður eru mikilvægar í öllu: virðum þær!

Skrifað hefur verið undir verksamning milli Þróunarsamvinnustofnunar Íslands (ÞSSÍ) og Íslenskra orkurannsókna (ÍSOR) um jarðhitaverkefni í Níkaragva. Samningurinn felur í sér að ÍSOR veitir sérfræðiaðstoð á sviði jarðhita í Níkaragva á tímabilinu frá 2009 til 2012. Verkið er hluti af þróunaraðstoð Íslendinga í samvinnu við stjórnvöld og hefur það markmið að byggja upp færni og þekkingu innan ríkisstofnana sem koma að þróun jarðhitaauðlinda í landinu.

Þróunarsamvinnustofnun Íslands verður með opið hús á Menningarnótt, laugardaginn 22. ágúst. Opið verður á aðalskrifstofu ÞSSÍ í Þverholti 14, 2. hæð, frá klukkan 14-18. Starfsfólk ÞSSÍ býður alla hjartanlega velkomna í heimsókn til að kynna sér starfsemi stofnunarinnar.

Samskiptamiðstöð heyrnarlausra og heyrnarskertra á Íslandi ætlar að styðja við bakið á stjórnvöldum í Namibíu við stofnun og starfsrækslu sambærilegrar stofnunar þar í landi. Undanfarin ár hefur Samskiptamiðstöðin unnið á vegum Þróunarsamvinnustofnunar Íslands við að bæta kennslu heyrnarlausra í Namibíu með áherslu á táknmál og þjálfun táknmálstúlka.

Þróunarsamvinnustofnun Íslands afhenti í vikunni sýsluyfirvöldum í Ohangwena-sýslu í Namibíu þrjár nýjar skólastofur í nýjan grunnskóla fyrir heyrnarlaus börn. Skólastofurnar eru þær fyrstu í Usko Nghaamwa skólanum í bænum Eenhana.

Málþing á vegum Norrænu Afríkustofnunarinnar, utanríkisráðuneytisins, Þróunarsamvinnustofnunar Íslands og Félags- og mannvísindadeildar Háskóla Íslands verður haldið fimmtudaginn 7. maí næstkomandi. kl. 14.00 – 17.00 í Háskóla Íslands, Öskju, Sturlugötu 7, Reykjavík.

Ætlunin er að breyta viðhorfum og tryggja gæðaeftirlit með fiski til neyslu í Úganda og til útflutnings með nýju verkefni sem Þróunarsamvinnustofnun Íslands og stjórnvöld í Úganda skrifuðu undir á dögunum. Að sögn Gunnars Þórðarsonar verkefnisstjóra fiskimála í Úganda er gert ráð fyrir endurskipulagningu á gæðaeftirliti og þjálfun eftirlitsmanna sem munu sjá um eftirlit og kennslu í fiskveiðihéruðum og við löndunarstaði við Viktoríuvatn, Albertsvatn og Koyoga. Náin samvinna verður við héraðsstjórnir og samtök fiskimanna.

Samuel Santos utanríkisráðherra Níkaragva og Sighvatur Björgvinsson framkvæmdastjóri Þróunarsamvinnustofnunar Íslands áttu fund í Managua á þriðjudag vegna þeirrar ákvörðunar íslenskra stjórnvalda að loka sendiráði Íslands í landinu sem jafnframt er umdæmisskrifstofa Þróunarsamvinnustofnunar Íslands. Auk þeirra sátu fundinn Valdrack Jaentschke aðstoðarutanríkisráðherra þróunarmála, Roberto Leal framkvæmdastjóri skrifstofu Evrópumála, Geir Oddsson umdæmissstjóri ÞSSÍ í Níkaragva og Gerður Gestsdóttir verkefnastjóri félagslegra verkefna.

Sidik Mia ráðherra vatnsmála í Malaví telur að íslenska vatns- og hreinlætisverkefnið í Mangochihéraði geti rutt brautina fyrir áþekk verkefni á öðrum svæðum í framtíðinni. Ráðherrann kynnti sér á dögunum áhrif verkefnisins á daglegt líf íbúa og ræddi við starfsmenn til að kanna framvindu mála. Greint var frá heimsókn ráðherrans og fylgdarliðs hans í öðru stærsta dagblaði Malaví.

Þróunarstofnun Belgíu hefur óskað eftir aðkomu að frumkvöðlaverkefni Þróunarsamvinnustofnunar Íslands í Úganda en verkefnið er unnið er í samstarfi við Fjárfestingastofu Úganda. Belgar munu leggja verkefninu til fjárhæð sem nemur 500 þúsund evrum. Með þessum auknu fjármunum verður unnt að lengja verkefnistímann fram til árins 2011, fjölga námskeiðum víða um landið og veita fleiri frumkvöðlum þjálfun.

Alþingi hefur kosið nefndarmenn í þróunarsamvinnunefnd en hlutverk hennar, samkvæmt nýlegum lögum um alþjóðlega þróunarsamvinnu Íslands, er að tryggja aðkomu fulltrúa þingflokka að stefnumarkandi umræðu og ákvörðunum ráðherra um alþjóðlega þróunarsamvinnu til lengri tíma. Aðalmenn í nefndinni eru Hjálmar Jónsson dómkirkjuprestur, Haukur Már Haraldsson kennari, Sigfús Ólafsson viðskiptafræðingur, Drífa Hjartardóttir framkvæmdastjóri, Katrín Ásgrímsdóttir garðyrkjubóndi, Guðrún Ögmundsdóttir fyrrverandi alþingismaður og Ásgerður Jóna Flosadóttir stjórnmálafræðingur.

„Namibísk stjórnvöld vilja tryggja að viðskiptaumhverfi sé eins gott og mögulegt er til að tryggja að namibíska þjóðin njóti ávaxtanna af náttúrurauðlindum landins og ráðstefnan var hugsuð sem skref í þá átt,” segir Vilhjálmur.

Forseti Úganda Yoweri K. Museveni og frú Janet Museveni koma í opinbera heimsókn til Íslands miðvikudaginn 17. september. Með þeim í för eru utanríkisráðherra landsins Sam Kuteesi, þingmenn og embættismenn. Markmið heimsóknarinnar er einkum að kynna sér nýtingu jarðhita á Íslandi, þróun sjávarútvegs, menntun í upplýsingatækni og beitingu hennar í þágu opinberrar stjórnsýslu. Heimsóknin er einnig mikilvægur áfangi í auknum tengslum Íslands við Afríku en Úganda er meðal helstu forysturíkja álfunnar.

Lesa meira

Þróunarhjálp Sameinuðu þjóðanna (UNDP) og Þróunarsamvinnustofnun Íslands (ICEIDA) hafa ákveðið að styðja mannauðs- og þjálfunarverkefni sem lýtur að rannsóknum á vistkerfi Benguela hafsvæðisins undan ströndum Namibíu, Suður-Afríku og Angóla. Skrifað var undir samning þessa efnis í Windhoek, höfuðborg Namibíu á föstudaginn var.

“Það er langt frá því að vera auðvelt að fá stuðning til að fara í háskólanám og þetta er tækifæri sem ég nýti mér til fulls, skólinn opnar augu mín fyrir margvíslegum málefnum, bætir möguleika mína til atvinnu og síðast en ekki síst er háskólanámið mjög þroskandi fyrir mig,” segir Moses Thomas, ungur Malavi, sem er fyrsti nemandinn frá Namazizi skólanum sem valinn var af ríkinu til að stunda nám á háskólastigi.

Starfsmenn vatns- og hreinlætisverkefnis Þróunarsamvinnustofnunar Íslands í Monkey Bay vinna nú hörðum höndum að því að bora fyrir vatni og grafa vatnsbrunna til að tryggja íbúum aðgang að hreinu og ómenguðu vatni. “Í byrjun ágúst var fysta borholan boruð í Nankumba hreppi. Eftir átta stunda borun fannst vatn á um það bil 80 metra dýpi. Það vakti mikinn fögnuð þorpsbúa sem fram til þessa hafa þurft að sækja vatn í mengaðar lindir um langan veg frá þorpinu,” segir Glúmur Baldvinsson, verkefnisstjóri ÞSSÍ í vatns- og hreinlætisverkefninu.

Fyrsti keisaraskurðurinn var framkvæmdur á dögunum í sjúkrahúsinu í Monkey Bay í Malaví þegar þar var tekin í notkun skurðstofa. “Aðgerðirnar fara vel af stað og við væntum þess að nýja aðstaðan verði til þess að bjarga konum í barnsnauð,” segir Guðbrandur Þorkelsson læknir sem starfar sem ráðgjafi við sjúkrahúsið fyrir hönd Þróunarsamvinnustofnunar Íslands.

Upplýsingabæklingur fyrir lítil og meðalstór fyrirtæki í Úganda er nýkominn út í tengslum við frumkvöðlaverkefni Þróunarsamvinnustofnunar Íslands í landinu. “Þetta er afar gagnlegur leiðarvísir fyrir frumkvöðla um leiðir til að sækja sér fjármagn og faglega ráðgjöf varðandi mismunandi þætti atvinnurekstrar,” segir Skúli Helgason varaformaður stjórnar ÞSSÍ en hann var viðstaddur þegar ritið kom út fyrir skömmu.

Þróunarbanki Afríku hefur óskað eftir samstarfi við Þróunarsamvinnustofnun Íslands í Malaví um tilraunaveiðar á Malavívatni til að meta hagkvæmni endurbóta á veiðarfærum sem Íslendingar hafa verið að þróa með heimamönnum undanfarin ár til veiða utan grunnslóðar. Að sögn Stefáns Kristmannssonar verkefnisstjóra fiskimála ÞSSÍ í Malaví er þess vænst að sameiginlegar niðurstöður að ári sýni fram á leiðir til að bæta hag fátækra fiskimanna og fjölskyldna þeirra við Malavívatn.

Námsefni í hagnýtri ensku er nýkomið út með styrk frá Þróunarsamvinnustofnun Íslands í Úganda en það er hluti af fullorðinsfræðslunni í landinu sem Íslendingar styrkja. Leiðbeinendur verða þjálfaðir á næstunni en áætlað er að byrjað verði að nota nýja námsefnið á miðju ári. Að mati Lilju Dóru Kolbeinsdóttur verkefnisstjóra í Úganda munu til að byrja með alls um tíu þúsund manns njóta góðs af nýja námsefninu.

Tími stöðu- og endurmats í þróunarsamvinnu Íslands er kominn að mati Sigurbjargar Sigurgeirsdóttur stjórnsýsluráðgjafa en út er komin greinargerð hennar og tillögur til utanríkisráðherra um skipulag þróunarsamvinnu Íslands innan utanríkisráðuneytisins. Sigurbjörg gerir meðal annars tillögu um að myndað verði þriðja sviðið innan ráðuneytisins, þróunarsamvinnusvið. Einnig leggur hún til að hlutverk Þróunarsamvinnustofnunar sem fagstofnunar verði eflt og að ÞSSÍ starfi sem sérstök stofnun sem heyri undir utanríkisráðuneytið.

Mæðrahús byggt fyrir íslenskt þróunarframlag var formlega tekið í notkun á dögunum í þorpinu La Cruz de Rio Grande í Níkaragva. Gísli Pálsson umdæmisstjóri Þróunarsamvinnustofnunar Íslands í landinu afhenti húsið og flutti ávarp við opnunina. Mæðrahúsið í La Cruz er fimmta og síðasta húsið í þessum áfanga sem ákveðið var að reisa fyrir íslenskt fé.

Ágústa Gísladóttir umdæmisstjóri Þróunarsamvinnustofnunar Íslands í Úganda afhenti á dögunum við hátíðlega athöfn fullbúna fyrstu hæð í stjórnsýslubyggingu Mukono héraðs. Framlag Íslendinga til byggingarinnar er einn af mörgum verkþáttum fullorðinsfræðsluverkefnis ÞSSÍ í héraðinu en það nær til tveggja eyjaklasa á Viktoríuvatni.

Þróunarsamvinnustofnun Íslands hefur ákveðið að styðja þjálfunarverkefni í Namibíu sem hefur það markmið að bæta nýtingu beitarlands hjá Himbaættbálkinum í norðvesturhluta landsins. Verkefnið spannar þrjú ár og fellur vel að öðru íslensku verkefni í þágu Himba sem unnið er á sama tíma og lýtur að borun og byggingu 33 vatnsbrunna.

Hjálmar Jónsson dómkirkjuprestur og stjórnarmaður í Þróunarsamvinnustofnun Íslands afhenti á dögunum Rauðakrossdeild borgarinnar Camoapa í Níkaragva nýjan sjúkrabíl. Bíllinn var afhentur í fyrstu vettvangsferð fullrúa stjórnar ÞSSÍ og framkvæmdastjóra til Níkaragva en Íslendingar tóku upp þróunarsamvinnu við þetta fátækasta ríki Mið-Ameríku á árinu 2006.

Auglýst hefur verið eftir ungu háskólafólki til starfa í samstarfslöndum Þróunarsamvinnustofnunar Íslands. Um er að ræða fimm mánaða starfsþjálfun í tengslum við verkefni ÞSSÍ í fimm samstarfslöndum, Malaví, Úganda, Namibíu, Mósambík og Níkaragva. Starfsnemarnir sem valdir verða halda utan í byrjun júlí og koma heim í byrjun desember.

Þróunarsamvinnustofnun Íslands auglýsir til umsóknar styrki til meistara- og doktorsnáms á starfssviði stofnunarinnar. Að þessu sinni verða veittir tveir styrkir til doktorsnáms og tveir til meistaranáms.

Til óeirða kom í morgun í ýmsum borgum Mósambík, meðal annars í höfuðborginni Maputo, þegar þúsundir mótmæltu á götum úti verðhækkun á fargjöldum strætisvagna. Löglegra beitti táragasi og skaut gúmmíkúlum að mótmælendum. Lögregla hefur staðfest að einn hafi látið lífið í óeirðunum.

Þróunarsamvinnustofnun Íslands afhenti í þessum mánuði tvær þjónustumiðstöðvar við löndunarstaði til fiskimannasamfélaga á Srí Lanka, annars vegar í Beruwalla á suðvesturströndinni og hins vegar í Nilwella á suðurodda eyjunnar.

Emilio Rappaccioli orkumálaráðherra Níkaragva skrifar í dag undir samstarfssamning við Þróunarsamvinnustofun Íslands um fimm ára þróunarverkefni á sviði jarðhitamála. Verkefnið felur í sér uppbyggingu mannauðs til að nýta jarðvarma í Níkaragva en íslenskir vísindamenn koma til með að veita stjórnvöldum þar sérþekkingu og þjálfun í þessum mikilvæga málaflokki. Ráðherrann er staddur hér á landi í boði ÞSSÍ.

Ný þjónustumiðstöð og samkomuhús fyrir íbúa fiskiþorpsins Kandakuliya á Sri Lanka var formlega tekin í gagnið 18. september síðastliðinn við hátíðlega athöfn á slaginu 10:59. Tíminn varð að vera hárréttur en hann var valinn með aðstoð stjörnuspekinga eins og tíðkast á Srí Lanka þegar tímasetning mikilvægra viðburða er ákveðin.

Namazizi skólinn í Chirombo þorpinu í Malaví er vinaskóli Mýrarhúsaskóla. Malavísku nemendurnir eiga von á góðri sendingu frá vinum sínum á Seltjarnarnesi sem á dögunumm söfnuðu ýmiss konar ritföngum. Frá þessu segir á heimasíðu Mýrarhúsaskóla.

Fyrsta námskeiðinu sem haldið hefur verið í Malaví um öryggismál fiskimanna er nýlokið. Þróunarsamvinnustofnun Íslands stóð fyrir námskeiðinu þar sem fjallað var um skyndihjálp, slys á vatni, ástæður slysa og rétt viðbrögð við þeim. Auk þess var ítarleg kynning á öryggisbúnaði og björgunaraðferðum.

Þróunarsamvinnustofnun hefur ákveðið að styðja verkefni um fiskveiðistjórnun í vötnum og uppistöðulónum í Asíu. Verkefnið er unnið á vegum stærstu samtaka fiskeldisríkja í heiminum, NACA, en það eru sjálfstæð samtök sautján Asíuríkja. Verkefnið er skipulagt til þriggja ára og lýkur um mitt ár 2010.

Þróunarsamvinnustofnun Íslands hefur gefið út tímaritið “Þróunarmál” sem kemur út árlega og fjallar að þessu sinni um strauma og stefnur í þróunarmálum. Átta greinar eru í tímaritinu eftir innlenda og erlenda höfunda, m.a. dr. Jeffrey Sachs, Henning Melber, Jónínu Einarsdóttur og Þorvald Gylfason. Tímaritið er gefið út bæði á íslensku og ensku.

Þróunarsamvinnustofnun Íslands og Skipulagsstofnun hafa gert með sér rammasamkomulag um samstarf á sviði umhverfis- og skipulagsmála í þróunarríkjum þar sem ÞSSÍ er að störfum.

Fyrsta námskeiðið af þremur í verkefnastjórnun fyrir starfsfólk í stofnunum sjávarútvegsráðuneytisins á Sri Lanka var haldið þar dagana 15.-18. júní. Námskeiðið er haldið á vegum Þróunarsamvinnustofnunar Íslands í samvinnu við Sjávarútvegsskóla Háskóla Sameinuðu þjóðanna, Háskólans á Akureyri og sjávarútvegsráðuneytis Sri Lanka.

Á þessu ári er ráðgert að halda 26 fræðslunámskeið fyrir frumkvöðla í Úganda að tilstuðlan Þróunarsamvinnustofnunar Íslands. Að sögn Ágústu Gísladóttur umdæmisstjóra ÞSSÍ í Úganda verða námskeiðin haldin víða um landið, meðal annars í höfuðborginni Kampala, héruðum í Norður-Úganda og í Kalangala, en í því héraði eru helstu samstarfsverkefni landanna.

Kieran Kelleher, helsti sérfræðingur Alþjóðabankans í fiskimálum flytur föstudaginn 25. maí erindi um stöðu fiskveiðistjórnunar í þróunarríkjum. Erindi hans nefnist: Enabling fisheries enforcement: Closing the governance gap in developing countries og verður flutt í Öskju, náttúrufræðihúsi HÍ, stofu 132, kl. 13:00.

Umdæmisskrifstofa Þróunarsamvinnustofnunar Íslands í Malaví hefur ráðið Grain Malunga til starfa sem skrifstofustjóra á aðlaskrifstofuna í höfuðborginni Lilongve. Malunga hefur starfað í tveimur ráðuneytum, síðast sem ráðuneytisstjóri í ráðuneyti áveitu- og vatnsmála og hefur gífurlega reynslu af þróunarverkefnum í heimalandi sínu.

Tæplega tvö hundruð umsóknir frá ungu háskólafólki bárust um starfsþjálfun á vegum Þróunarsamvinnustofnunar Íslands en umsóknarfrestur um fimm mánaða starfsþjálfun rann út um síðustu mánaðamót. Um er að ræða starfsþjálfun í fimm af sex samstarfslöndum ÞSSÍ, Malaví, Mósambík, Namibíu, Níkaragva og Úganda.

Þróunarsamvinnustofnun Íslands hefur ráðið Nishantha Wickremasooriya, verkfræðing frá Sri Lanka, til starfa við sjárvarútvegsverkefni á Sri Lanka. Hann kemur til með að starfa við löndunarstaðaverkefni og undirbúning að byggingu sjómannaskóla í Batticaloa á austurhluta eyjunnar.

Gerður Gestsdóttir mannfræðingur hefur verið ráðin til starfa í Níkaragva á vegum Þróunarsamvinnustofnunar Íslands. Hún verður sérfræðingur ÞSSÍ á sviði félagslegra verkefna og hefur þegar hafið störf.

Á morgun, laugardaginn 24. febrúar, verður haldið skákeinvígi í beinni útsendingu á vefmiðlinum ICC, á vegum VideoChess.Net, milli tveggja skóla í Nambíu og Grunnskóla Vestmannaeyja. Þróunarsamvinnustofnun hefur á síðustu misserum stutt við bakið á skáklífinu í Namibíu, einkum meðal grunnskólabarna, og einvígið er liður í þessu samstarfi þjóðanna.

Þróunarsamvinnustofnun Íslands hefur gengið frá samningum við heilbrigðisráðuneyti Níkaragúa um stuðning við fimm Casas Maternas, eða Mæðrahús, á afskekktum svæðum þar sem mæðra- og ungbarnadauði er algengur. Mæðrahúsin eru ein meginstoðin í áætlun stjórnvalda í Níkaragúa í baráttunni við að fækka dauðsföllum mæðra og ungbarna. Um eitt þúsund konur nýta sér þjónustu þessara fimm húsa á ári hverju.

Um eitt hundrað manns hafa farist í flóðum í Mósambík á síðustu dögum en hermenn og hjálparstarfsmenn á þyrlum og bátum hafa flutt á brott um sextíu þúsund íbúa. Flóðin hafa enn sem komið er ekki haft nein áhrif á verkefni Þróunarsamvinnustofnunar Íslands í Mósambík, að sögn Jóhanns Pálssonar umdæmisstjóra ÞSSÍ í Mapútó.

Þróunarsamvinnustofnun Íslands hefur auglýst til umsóknar styrki til meistara- og doktorsnáms á starfssviði stofnunarinnar. Að þessu sinni verða veittir tveir styrkir til doktorsnáms og tveir til meistaranáms.

Viðræður við stjórnvöld í Níkaragúa um þróunarsamvinnu á sviði orkumála eru að hefjast í höfuðborginni Managua. Að sögn Gísla Pálssonar umdæmisstjóra Þróunarsamvinnustofnunar Íslands hefur ný stjórn Sandínista áhuga á því að hraða þróun og framkvæmdum á sviði jarðhitamála og fá íslensk fyrirtæki til samstarfs.

Á næstu dögum heimsækir teymi þriggja sérfræðinga frá Sjávarútvegsskóla Sþ og Háskólanum á Akureyri umdæmisskrifstofu Þróunarsamvinnustofnunar á Sri Lanka. Tilgangur ferðarinnar er að kanna þörf fyrir námskeið í gerð verkefnisáætlana og verkefnisstjórnunar hjá sjávarútvegsráðuneyti landsins og stofnunum þess.

Utanríkisráðherra hefur ákveðið að lög um Þróunarsamvinnustofnun Íslands nr. 43 frá 1981 verði endurskoðuð og kannað verði hvort þörf sé á breyttu skipulagi þróunarsamvinnu Íslands. Í fréttatilkynningu frá ráðuneytinu segir að kostir og gallar núverandi lagaramma ÞSSÍ séu meðal álitaefna sem skoðuð verði, svo og fyrirkomulag þróunarsamvinnu Íslands, bæði tvíhliða og á fjölþjóðlegum grundvelli.

Þróunarsamvinnustofnun ætlar að verja um 280 milljónum íslenskra króna til þróunarverkefna í Malaví á næsta ári eða sem nemur um fjórðungi þess fjármagns sem þegar hefur verið samþykkt fyrir árið 2007. Í nýsamþykktri rekstraráætlun stjórnar Þróunarsamvinnustofnunar Íslands er gert ráð fyrir að kostnaður við samþykkt verkefni nemi á næsta ári rúmum 1200 milljónum króna.

Stefán Jón Hafstein borgarfulltrúi hefur verið ráðinn verkefnisstjóri Þróunarsamvinnustofnunar Íslands í Namibíu til tveggja ára. Hann mun óska eftir leyfi frá borgarstjórn þennan tíma og tekur við starfinu í byrjun nýs árs. Stefán Jón hefur áður starfað í Afríku en hann var sendifulltrúi Alþjóðasambands Rauða kross félaga og Rauða kross Íslands í Genf og Afríku nokkrum sinnum á árunum 1985 til 1988.

Fulltrúar Þróunarsamvinnustofnunar Íslands afhentu yfirvöldum í Malaví formlega Malembo barnaskólinn við hátíðlega athöfn á dögunum. Um fimm mánuði tók að byggja skólann en í honum eru átta nýjar skólastofur, gerðar voru upp tvær aðrar, byggð stjórnunarbygging og bókasafn, sjö kennarahús, salernisaðstaða og brunnur. “Núna er þetta orðinn skóli þorpsins og mikilvægt að fólkið hugsi vel um hann og sjái um allt viðhald,” sagði höfðingi héraðsins við opnun skólans.

Hafið er þriggja ára átaksverkefni í fræðslumálum fyrir frumkvöðla í Úganda en um er að ræða fyrsta verkefni Þróunarsamvinnustofnunar Íslands sem lýtur að stuðningi við einkageirann. Að sögn Ágústu Gísladóttur umdæmisstjóra ÞSSÍ í Úganda er helsta markmið verkefnisins að bæta aðgengi frumkvöðla að gæðaþjálfun, einkum þeirra sem áforma að reka smá eða meðalstjór fyrirtæki.

“Þetta var afar athyglisverð ferð og það var einstaklega ánægjulegt að kynnast starfsemi og verkefnum Þróunarsamvinnustofnunar í Mósambík,” segir Sigríður Dúna Kristmundsdóttir sendiherra Íslands í Suður-Afríku en hún kynnti sér á dögunum starfsemi ÞSSÍ í Mósambík. Sigríður Dúna segir að ekki hafi síður verið fróðlegt að kynnast landi og þjóð og henni sé sérlega minnistæð ferð norður til Inhambane.

Umdæmistjórar ÞSSÍ, sem eru yfirmenn stofnunarinnar í sex samstarfslöndum hennar, dveljast á næstu dögum á Íslandi og sækja námskeið í Oracle bókhaldskerfinu. Námskeiðið er skipulagt af SKÝRR, KPMG-endurskoðun og Fjársýslu ríkisins og sérstaklega sniðið að þörfum ÞSSÍ.

Nýlokið er vel heppnuðu fjögurra daga námskeiði í gæða- og öryggismálum í fiskhöfnum fyrir 35 hafnarstjóra á Sri Lanka. Hafrannsóknarstofnun Sri Lanka (NARA) og fiskimálaráðuneyti landsins stóðu að námskeiðinu en Þróunarsamvinnustofnun Íslands og Sjávarútvegsskóli Sameinuðu þjóðanna veittu tæknilega og fjárhagslega aðstoð við framkvæmdina. Námskeiðið verður endurtekið í nóvember.

Nemendur við tækniháskólann UNICIT í Managua, höfðuborg Níkaragva, héldu á dögunum glæsilega kynningu á Íslandi á árlegri uppskeruhátíð skólans. Að sögn Hörpu Elínar Haraldsdóttur starfsnema hjá Þróunarsamvinnustofnun í sendiráði Íslands í Managua hafa einnig nemendur Sænska skólans í borginni heimsótt sendiráðið í því skyni að afla efnis fyrir Íslandskynningu meðal nemenda.

Þessa dagana stendur yfir samráðsfundur á vegum Þróunarsamvinnustofnunar Íslands um fiskgæðamál með fulltrúum frá Mósambík og Úganda, en fundurinn er haldinn í Maputo, höfuðborg Mósambík. Að sögn Franklíns Georgssonar verkefnisstjóra í fiskiverkefnum í Mósambík hefur Þróunarsamvinnustofnun um árabil verið í samstarfi við stjórnvöld í Mósambík og Úganda um verkefni sem lúta að fiskgæðamálum.

Þróunarsamvinnustofnun Íslands (ÞSSÍ) er að ljúka framkvæmdum við nýjan grunnskóla í malavíska fiskimannaþorpinu Malembo. Á sama tíma og byggingaframkvæmdir hafa staðið yfir hefur stofnunin einnig styrkt menntunarátak á vegum menntamálayfirvalda í héraðinu.

Alþjóðagjaldeyrissjóðurinn og Alþjóðabankinn hafa ákveðið að fella niður um 90% af skuldum Malaví en það svarar til ríflega 200 milljarða íslenskra króna eða 3.1 milljarðs Bandaríkjadala. Malaví er helsta samstarfsland Þróunarsamvinnustofnunar Íslands og eitt fátækasta ríki heims. Um 65% þjóðarinnar býr við sárafátækt. “Þetta er mjög mikilvægur áfangi fyrir Malaví,” segir Margrét Einarsdóttir umdæmisstjóri ÞSSÍ í Malaví. “Jákvæðar breytingar á stjórn efnahagsmála hafa orðið í tíð núverandi forseta, Dr. Bingu wa Mutharika, sem komst til valda 2004. Þær birtast meðal annars í baráttu stjórnvalda gegn spillingu og setningu laga um meðferð ríkisfjármála,” segir hún.

Íslendingar hafa á síðustu árum stutt myndarlega við bakið á skáklífinu í Namibíu. Um er að ræða samvinnuverkefni milli namibískra stjórnvalda, Þróunarsamvinnustofnunar Íslands, Skáksambands Íslands og Skákfélagsins Hróksins. Í byrjun næstu viku eru á förum frá Íslandi til Namibíu tveir skákmenn, stórmeistarinn Henrik Danielsen og skákmeistarinn Omar Salama, en þetta er fjórða ferð skáksérfræðinga frá Íslandi vegna þessa verkefnis.

Fjölþjóðleg ráðstefna um sjávarútvegsmál og fiskeldi í sunnanverðri Afríku verður haldin dagana 21.- 24. ágúst í Namibíu á vegum Þróunarsamvinnustofnunar Íslands og Sjávarútvegsskóla Háskóla Sameinuðu þjóðanna. Forseti Namibíu, H.E. Hifikepunye Pohamba, setur ráðstefnuna á þriðjudag en Einar K. Guðfinnsson sjávarútvegsráðherra slítur henni á fimmtudag.

Geir Oddsson, auðlindafræðingur, hefur hafið störf sem verkefnastjóri fiskimála hjá ÞSSÍ, með aðsetur í Reykjavík. Geir er með gráðu í líffræði frá Háskóla Íslands og gráður í fiskifræði og auðlindastjórnun frá University of Washington í Seattle, BNA. Geir hefur síðustu tíu ár unnið að fjölda verkefna á sviði umhverfis- og auðlindamála í þróunarlöndunum, fyrir m.a. ÞSSÍ, Alþjóðabankann, Sameinuðu þjóðirnar, einkafyrirtæki og frjáls félagasamtök. Geir kemur til ÞSSÍ frá Háskóla Íslands, þar sem hann hefur verið forstöðumaður Umhverfisstofnunar HÍ og síðan stofustjóri Auðlindastofu Stofnunar Sæmundar fróða um sjálfbæra þróun og þverfræðilegar rannsóknir og Umhverfisstjóri HÍ auk þess að sinna kennslu og umsjón nemenda á meistarastigi.

Lesa meira

Nýlokið er tveggja vikna vettvangsferð sendinefndar frá aðalskrifstofu Þróunarsamvinnustofnunar Íslands til Malaví og Úganda. Sendifulltrúar að þessu sinni voru Sighvatur Björgvinsson, framkvæmdastjóri stofnunarinnar, og Sigfús Ólafsson, stjórnarfulltrúi og viðskiptafræðingur.

ÞSSÍ gerði á dögunum samning við Sýni, skoðunarstofu ehf. um að fyrirtækið þrói og setji upp fyrir Fiskeftirlitið í Mósambik, hugbúnað sem heldur utan um niðurstöður skoðana (vottorðakerfi). Með innleiðingu hugbúnaðarins er verið að tölvuvæða gagnaúrvinnslu fiskeftirlitsins.

Á tímabilinu 2000-2004 var meðalhagvöxtur í löndum sem skilgreind eru sem þróunarlönd, 4,8 prósent, meðan meðalhagvöxtur hátekjuþjóða var á sama tímabili í 2,0 prósentum. Vaxandi umsvif í hagkerfum Austur- og Suður-Asíu síðustu ár eiga stærstan þátt í þessu háa meðaltali en Afríka sunnan Sahara, sem í þessari tölfræði hefur oftast rekið lestina, sýndi hagvöxt upp á 4,8 prósent árið 2004 sem var 0,7 prósentustigum yfir heimsmeðaltali þess árs.

Þróunarsamvinnustofnun Íslands auglýsir til umsóknar styrki til meistara- og doktorsnáms á starfssviði stofnunarinnar. Að þessu sinni verða veittir tveir styrkir til doktorsnáms og tveir til meistaranáms. Umsóknareyðublöð og nánari upplýsingar er að finna á heimasíðu Háskóla Íslands

Nýlega var á ferðinni í Mósambik sendinefnd frá Alþjóðagjaldeyrissjóðnum í því skyni að meta árangur mósambískra stjórnvalda í baráttunni gegn fátækt.

Síðan haustið 2005 býður félagsvísindadeild Háskóla Íslands, með stuðningi frá Þróunarsamvinnustofnun Íslands, uppá MA-nám og diplómanám í þróunarfræðum. MA-nám í þróunarfræðum (60e) er ætlað að veita nemendum fræðilega, hagnýta og aðferðafræðilega þekkingu til að takast á við viðfangsefni á sviði þróunarmála

Sigurður Ragnarsson og Eyþór Jónsson læknanemar við Háskóla Íslands skiluðu í lok síðasta árs niðurstöðum rannsóknarverkefna sinna sem þeir unnu í heilbrigðisumdæmi Monkey Bay í Malaví. Þróunarsamvinnustofnun styður við uppbyggingu heilbrigðisþjónustu á svæðinu og styrkir þ.á m. árlega rannsóknarverkefni læknanema. Lokaskýrslur Sigurðar og Eyþórs á pdf-sniði:

The Implementation of Integrated Childhood Illness in the Monkey Bay Health Zone in Malawi

Maternity Care for Women who Deliver at the Monkey Bay Community Hospital

Þróunarsamvinnustofnun Íslands vill vekja athygli á námsstyrkjum sem Norræna Afríkustofnunin (Nordiska Afrikainstitutet) í Uppsölum veitir ár hvert. Annars vegar er um að ræða styrk fyrir Norræna fræðimenn og hins vegar fyrir nemendur eða blaðamenn.

Þóra Kristín Ásgeirsdóttir hefur tekið til starfa sem móttökuritari á skrifstofu ÞSSÍ í Rvk. Þóra er ráðin til afleysinga í fjarveru Lilju Jónsdóttur sem er í leyfi.

Laust er til umsóknar starf sérfræðings/ráðgjafa við uppbyggingu heilbrigðisþjónustu á svæðissjúkrahúsi í Monkey Bay heilbrigðisumdæmi í Malaví.

Frá því í apríl í fyrra hefur ÞSSÍ stutt við framkvæmd á hagnýtri fullorðinsfræðslu á eyjum Mukono héraðs í Viktoríuvatni í Úganda. Verkefnið hefur gengið vonum framar...

Marta Einarsdóttir, verkefnisstjóri félagslegra verkefna sendi okkur eftirfarandi pistil um jarðskjálftann sem reið yfir Mósambik aðfaranótt 23. febrúar sl.:

,,Ég var rétt skriðin upp í rúm um eittleytið þegar rúmið byrjaði að hristast. Fyrst hélt ég að ég væri orðin ímyndunarveik en svo hugsaði ég með mér að þetta hlyti að vera jarðskjálfti, þó aldrei hefði ég heyrt um slíkt fyrirbæri í Mósambík".

Jarðskjálfti upp á 7,5 á Richter skók Mósambik í gærkvöld og varð vart í nágrannalöndum. Vitað er til að tveir hafi látið lífið af völdum skjálftans og 15 særst lítillega. Ekki er vitað til að miklar skemmdir hafi orðið á mannvirkjum en yfirvöld bíða fregna frá afskekktari svæðum.

Jóhann Þorsteinsson hefur verið ráðinn sem ráðgjafi við rannsóknarstofur fiskigæðaeftirlits í Mósambik. Jóhann hefur dvalið og starfað lengi í Mósambik, undanfarin 5 ár sem gæðaeftirlitsstjóri fyrirtækis í einkageiranum og þar áður, frá 1995-98 sem verkefnisstjóri í uppbyggingu gæðaeftirlitskerfis sjávarútvegsráðuneytisins í Mósambik. 

Lesa meira

Stjórnvöld í Namibíu hafa í þróunaráætlun sinni (Vision 2030) sem gefin var út 2004 sett fram markmið um að bæta þjónustu við fatlaða í landinu. Samkvæmt manntali frá 2001 eru um 4,7% íbúa landsins fatlaðir og þar af 21,4% heyrnarskertir eða heyrnarlausir. Fatlaðir mæta oft miklum fordómum sem hefur í för með sér mismunum og samfélagslega einangrun. Fötluð börn sækja oft ekki skóla og fáir kennarar eru þjálfaðir til að aðstoða og kenna fötluðum börnum.

Regn hefur fallið jafnt og þétt í Mósambik og nágrannalöndum þess það sem af er febrúar. Þótt vatnsborð í stærstu ám í Mósambik sé enn yfir hættumörkum hefur það þó heldur rénað víðast hvar í landinu.

Þróunarsamvinnustofnun Íslands og hjúkrunarfræðideild Háskóla Íslands gerðu á dögunum með sér samning um námsverkefni í heilsugæslu í Malaví. Eva Laufey Stefánsdóttir, hjúkrunarfræðingur og ljósmóðurnemi er nú við rannsóknarstörf í Monkey Bay í Malaví og er fyrsti ljósmóðurneminn sem heldur utan til rannsóknarvinnu.

Nýr verkefnisfulltrúi hefur verið ráðinn til starfa við fullorðinsfræðsluverkefni ÞSSÍ og malavíska ríkisins í Malaví. Í auglýsingu var farið fram á að umsækjendur hefðu sér til ágætis a.m.k. B.A./B.Sc. próf á sviðum sem tengjast starfinu, 3 ára starfsreynslu af sambærilegu starfi sem og góða enskukunnáttu. Mikill áhugi var á starfinu og sóttu rúmlega 90 manns um, allt mjög hæfir einstaklingar.

Ársskýrsla Þróunarsamvinnustofnunar Íslands fyrir árið 2004 er komin út. Framkvæmdastjóri ÞSSÍ, Sighvatur Björgvinsson segir í inngangsorðum árið hafa verið ánægjulegt fyrir stofnunina í marga staði.

Lesa meira

Nú rétt fyrir jól lauk endurbyggingu húsnæðis sem ætlað er að hýsa starfsemi gæðavottunar og gæðaeftirlits á fiskafurðum í Mósambik. Stofnunin, sem hingað til hefur hefur starfað undir sjávarútvegsráðuneytinu þar í landi, starfar sem sjálfstæð stofnun frá og með áramótum.

Lesa meira

Í dag, 4. nóvember 2005, var undirritaður samstarfssamningur Kennaraháskóla Íslands og Þróunarsamvinnustofnunar Íslands um markvissa þátttöku Kennaraháskólans í verkefnum á sviði þróunaraðstoðar í menntamálum.

Vannærðum börnum í Afríku mun að óbreyttu fjölga um 3,3 milljónir til ársins 2025, þvert á þúsaldarmarkmið Sameinuðu þjóðanna, samkvæmt nýrri skýrslu International Food Policy Research Institute (IFPRI).

Þrír fulltrúar stjórnvalda í Nikaragúa eru væntanlegir til landsins á sunnudag til viðræðna við íslensk stjórnvöld og sérfræðinga á sviði jarðhitamála. Tilgangur heimsóknarinnar er að kynna þeim fyrirkomulag jarðhitamála á Íslandi og ljúka undirbúningi vegna fyrirhugaðrar samvinnu Þróunarsamvinnustofnunar Íslands (ÞSSÍ) og stjórnvalda í Nikaragúa á þessu sviði.

Þórdís Sigurðardóttir hefur tekið við starfi skrifstofustjóra Þróunarsamvinnustofnunar Íslands (ÞSSÍ) á nýjan leik. Þórdís hefur verið í leyfi frá störfum síðast liðin 5 ár, en á þeim tíma gengdi hún starfi umdæmisstjóra stofnunarinnar í Malaví.

Styrmir Guðlaugsson hefur verið ráðinn fjölmiðla- og kynningarfulltrúi Þróunarsamvinnustofnunar Íslands. Hann hefur áralanga og víðtæka reynslu af vinnu á fjölmiðlum og gengt ýmsum stjórnunarstörfum á ferli sínum.

Skoska lögreglan lenti í útistöðum við hundruð mótmælenda í bænum Gleneagles í morgun þar sem leiðtogar G8 ríkjanna munu funda um vanda þróunarlanda, einkum í Afríku sunnanverðri. Rætt verður um niðurfellingu skulda fátækustu ríkja heims, frekari aðstoð við ríki í Afríku og leiðir til að bregðast við loftslagsbreytingum. Mótmælastaða hefur verið í bænum í marga daga.

Lesa meira

Godfrey Bahati frá Úganda flytur fyrirlestur um lokaverkefni sitt til meistaraprófs í umhverfisfræðum á morgun, miðvikudaginn 6. júlí, kl. 16:00 í sal 130 í Öskju. Bahati er nemandi Jarðhitaskóla Sameinuðu þjóðanna á Íslandi og er lykilmaður í jarðhitarannsóknum í heimalandi sínu. Þróunarsamvinnustofnun Íslands (ÞSSÍ) hefur kostar námsdvöl hans að hluta með Jarðhitaskólanum, en styrkurinn er liður í samstarfsverkefni við Úganda um jarðhitamál. Nýting jarðvarma til raforkuframleiðslu er talinn mjög álitlegur kostur í Úganda, en mikil þörf er fyrir hreina orku í landinu, einkum til sveita.

Lesa meira

Þróunarsamvinnustofnun Íslands (ÞSSÍ) hefur gefið Landsbókasafni Íslands - Háskólabókasafni safn fræðirita um þróunarmál og hefur samningur þess efnis verið undirritaður. Einnig leggur ÞSSÍ safninu til fjárveitingu sem nemur 1 milljón króna árlega í 4 ár, sem ætluð er sem stuðningur við kaup fræðibóka á þróunarsviði og til aðstöðusköpunar.

Lesa meira

Tvíhliða samningur um þróunarsamvinnu Íslands við Sri Lanka var undirritaður í Colombo, höfuðborg landsins í dag. Samningurinn er gerður til fimm ára og nemur framlag Íslands til þróunarstarfs í landinu á þessu ári 75 milljónum króna. Þróunarsamvinnustofnun Íslands (ÞSSÍ) mun sjá um framkvæmd verkefna í samstarfi við stjórnvöld á Sri Lanka. Er þetta í fyrsta sinn sem ÞSSÍ sinnir þróunarstarfi utan Afríku, þar sem stofnunin er í samstarfi við fjögur ríki.

Lesa meira

Leiðtogar þróunarríkja og forystumenn hjálpar-og mannúðarsamtaka hafa fagnað ákvörðun G8 hópsins helstu iðnríkja heims um niðurfellingu skulda 18 ríkja. Hins vegar er það mat margra að ákvörðunin hefði átt að koma fyrr og að fleiri lönd hefðu átt að njóta samkomulagsins, auk þess sem bent er á að enn ríki ósamkomulag um hvert stefna skuli í framhaldinu.

Lesa meira

Stjórnvöld í Mósambík hafa hleypt af stokkunum viðamiklu fullorðinsfræðsluverkefni sem áætlað er að nái til 20 þúsund kvenna og karla í þremur héruðum landsins. Allt að helmingur fullorðinna í Mósambík er ólæs, en talið er að góðum árangri megi ná í baráttunni gegn fátækt í þróunarlöndunum með því að bæta menntun almennings. Fullorðinsfræðslunni verður útvarpað, en einnig eru áform um að hefja sjónvarpsútsendingar í tengslum við verkefnið. Þróunarsamvinnustofnun Íslands (ÞSSÍ) hefur sinnt fullorðinsfræðslu í samstarfslöndum sínum með afar góðum árangri.

Lesa meira

Alnæmisfaraldurinn er í sókn sem aldrei fyrr og áætlanir um að hefta útbreiðslu sjúkdómsins hafa ekki gengið eftir, sagði Kofi Annan framkvæmdastjóri Sameinuðu þjóðanna á ráðstefnu í New York í gær. Í ræðu sinni sagðist hann telja að baráttan við alnæmi væri ein mesta áskorunin sem mannkynið stæði frammi fyrir á næstu áratugum, árangur á því sviði væri ein meginforsenda fyrir því að milljónir manna gætu lifað mannsæmandi lífi í þróunarríkjunum.

Lesa meira

Komu fulltrúa stjórnvalda Nikaragúa til Íslands hefur verið frestað um óákveðinn tíma. Vandkvæði ytra urðu þess valdandi að gestirnir þurftu að fresta för sinni.

Lesa meira

Undirbúningur að samstarfi Þróunarsamvinnustofnunar Íslands (ÞSSÍ) og Nikaragúa á sviði jarðhitamála er nú á lokastigi. Þrír fulltrúar stjórnvalda í Nikaragúa eru væntanlegir til landsins á morgun og fimmtudag til viðræðna við sérfræðinga iðnaðar- og viðskiptaráðuneytisins og íslenskra orkustofnana. Tilgangur heimsóknarinnar er að kynna fyrirkomulag jarðhitamála á Íslandi og ákvarða samstarfsgrundvöll landanna.

Lesa meira

Afríkuríkið Mósambík er meðal fátækustu þjóða heims, en þaðan er nú sex manna sendinefnd komin til Íslands í boði Þróunarsamvinnustofnunar Íslands (ÞSSÍ) til að kynna sér uppbyggingu annars vegar í félagsmálum og hins vegar í sjávarútvegsmálum, einkanlega gæðaeftirliti. Heimsókninni er ætlað að hafa náms- og upplýsingagildi og er liður í þróunarsamstarfi Íslands og Mósambík.

Lesa meira

Stefnt er að því að auka læsi fullorðinna um helming frá sem nú er með fræðusluverkefni sem ÞSSÍ hefur hleypt af stokkunum í samvinnu við héraðsstjórnina í Mukono héraði í Úganda. Samningur þess efnis hefur verið undirritaður, en héraðsbúar hafa beðið í nær fjögur ár eftir þessum tímamótum og var þeim ákaft fagnað þegar málið var í höfn. Aukin menntun fullorðinna þykir hafa sýnileg áhrif á framþróun í ríkjum þar sem ólæsi er mikið og leggja stjórnvöld í Úganda mikla áherslu á slík verkefni.

Lesa meira

Kosin hefur verið ný sex manna stjórn Þróunarsamvinnustofnunar Íslands (ÞSSÍ) til fjögurra ára. Þrír nýir aðalmenn taka sæti í stjórninni.

Lesa meira

Samstarfsyfirlýsing um byggðarþróunarverkefni Þróunarsamvinnustofnunar Íslands (ÞSSÍ) og stjórnar Kalangala héraðs í Úganda var undirrituð í Kampala í dag. Verkefnið mun standa yfir í 10 ár og verður unnið í 4 áföngum. Samstarfið felur í sér fjárhags- og tæknilega aðstoð af hálfu ÞSSÍ og nemur heildarfjárhagsáætlun 3,2 milljónum bandaríkjadala, sem svarar til 208 milljóna íslenskra króna. Verður þetta í fyrsta sinn sem svo víðtæku samstarfsverkefni er hrundið í framkvæmd á vegum ÞSSÍ. Yfirlýsinguna undirrituðu Björn Ingi Hrafnsson, stjórnarformaður ÞSSÍ, fyrir hönd stofnunarinnar og Daniel Kikoola, forseti héraðsstjórnar, fyrir hönd Kalangala héraðs.

Þann 7. maí lauk fjögurra daga heimsókn sendinefndar frá höfuðstöðvum ÞSSÍ í Reykjavík til Malaví. Björn Ingi Hrafnsson, formaður stjórnar, undirritaði fyrir hönd ÞSSÍ þrjá samsstarfssamninga við malavísk stjórnvöld þann 6. maí.

Lesa meira

Þróunarsamvinnustofnun Íslands (ÞSSÍ) og Rannsóknaþjónustan Sýni ehf. skrifuðu undir samstarfssamning í morgun um þjálfun starfsmanna og úttekt á gæðaverkefni fiskirannsóknastofu sem stofnunin hefur veitt aðstoð við að byggja upp í Mapútó, höfuðborg Mósambík. Efnt var til almenns útboðs um verkið og er það í fyrsta sinn sem sá háttur er hafður á hjá stofnuninni. Markmið með útboðinu var að auka jafnræði meðal þeirra sem starfa í greininni.

Lesa meira

Ráðið hefur verið í stöðu matvælafræðings á fiskirannsóknastofu í Mapútó í Mósambík, auk þess sem fjórir starfsnemar halda utan til samstarfslanda ÞSSÍ í Afríku á næstu vikum á vegum stofnunarinnar. Fjöldi umsókna frá hæfu fólki barst um auglýstar stöður hjá stofnuninni.

Lesa meira

Þróunarsamvinna ÞSSÍ við Sri Lanka mun að óbreyttu hefjast um miðjan maímánuð og hefur stjórn stofnunarinnar samþykkt hugmyndir að sjö verkefnum sem lögð verða drög að á þessu ári. Um er að ræða verkefni meðal annars í sjávarútvegsþorpum sem urðu illa úti í hamfaraflóðunum á annan dag jóla 2004. Að mati stjórnvalda á Sri Lanka er um forgangsverkefni að ræða, en þau miða meðal annars að því að byggja upp og þróa grunnvirki, auka þjónustustig, efla gagnasöfun í sjávarútvegi og styðja við heildaráætlun um menntun í sjávarútvegsfræðum. Gert er ráð fyrir að samstarfssamningur verði fyrirliggjandi á næstu vikum og að starfsmaður ÞSSÍ haldi til Sri Lanka í framhaldinu.

Lesa meira

Getrude Mongella forseti afrískrar þingmannanefndar (Pan African Parliament - PAP) hvetur til þess að stofnuð verði samtök í álfunni til að berjast fyrir jafnrétti kynjanna. Hún segir að leggja þurfi jafn ríka áherslu á kröfur um jafnrétti eins og lögð var á baráttuna fyrir sjálfstæði og afnám aðskilnaðarstefnunar.

Lesa meira

Hagvöxtur í Afríku var 5% að meðaltali á síðasta ári og hefur ekki verið meiri í 8 ár, að því er fram kemur í nýrri úttekt Alþjóðagjaldeyrissjóðsins (IMF). Á sama tíma hjaðnaði verðbólga verulega í ríkjum Afríku sunnan Sahara og hefur ekki verið lægri í aldarfjórðung.

Lesa meira

Eðli, umfang og framtíðaráform þróunaraðstoðar Íslands í Afríku er umræðuefni á opnum fræðslufundi í Alþjóðahúsinu, sem félagið Afríka 2020 stendur fyrir í dag. Fræðslustjóri ÞSSÍ mun flytja erindi á fundinum sem ber yfirskriftina ,,Opinber þróunaraðstoð Íslands til Afríku". Fundurinn hefst klukkan 20. Lesa meira

Talið er að á aðra milljón manna í Malaví þurfi á matvælaaðstoð að halda á þessu ári og er þetta sjötta árið í röð sem ber á miklum skorti í landinu vegna langvarandi þurrkatíðar í suðurhluta Afríku. Sérfræðingar segja að slæm stefna stjórnvalda í málaflokknum bæti á vandann sem fyrir er og eigi stóran þátt í viðvarandi matvælaskorti.

Lesa meira

Fjögur börn að meðaltali andast á hverri klukkustund í Mósambík af sjúkdómum sem oftar en ekki eru auðlæknanlegir. Þetta kom fram í máli Ivo Garrido heilbrigðisráðherra landsins fyrir helgi. Hann gerði barnadauða að umtalsefni í ræðu sinni á alþjóða heilbrigðisdeginum, en við sama tækifæri benti hann á háa tíðni dauðsfalla mósambískra mæðra vegna barnsburðar.

Hundruð milljónir kvenna og barna hafa engan aðgang að heilbrigðisstofnunum, en af þeim sökum lætur mikill fjöldi þeirra lífið af völdum auðlæknalegra kvilla, skorti á fæðingarhjálp og ófullnægjandi ungbarnaeftirliti. Þetta segir í skýrslu Alþjóðaheilbrigðisstofnunarinnar (WHO) sem kom út í dag, 7. apríl. Segir í niðurstöðu skýrslunnar að verulega væri unnt að draga úr dauða barna og kvenna með því að bæta heilbrigðisþjónustuna í fátækustu ríkjum heims.

Lesa meira

Staða meirihluta kvenna í Mósambík er afar bág og fátt hefur áunnist í baráttunni fyrir bættum kjörum þeirra þrátt fyrir skref sem stjórnvöld hafa reynt að stíga í framfaraátt síðustu ár. Ólæsi í landinu er um 60% og eru konur þar í meirihluta, auk þess sem konur tilheyra jafnan fátækustu þjóðfélagshópunum í Mósambík. Til að vekja athygli á stöðu konunnar í mósambísku samfélagi er haldið upp á kvennafrídag (Da Muhler Mocambicana) þar í landi í dag með tilheyrandi hátíðahöldum.

Lesa meira

Paul Wolfowitz nýskipaður yfirmaður Alþjóðabankans segir að meginmarkið hans í starfi á næstu árum verði að ná ,,raunverulegum árangri" í að fækka þeim sem búa við fátækt og sára neyð í heiminum. Hyggst hann einkum beina sjónum bankans að ríkjum Afríku.

Lesa meira

Finnar munu ekki ná markmiðinu um aukningu á framlögum til þróunaraðstoðar í 0,7% af vergri landsframleiðslu (VLF) fyrir árið 2010 ef fram fer sem horfir. Áætlanir um ríkisútgjöld fyrir árin 2006-2009 hafa verið lagðar fram, en samkvæmt þeim er talið ólíklegt að heildarframlög til þróunarmála hækki svo um muni. Framlög Finna til þróunaraðstoðar nema nú 0,37% af VLF, sem er talsvert hærra en framlög Íslendinga en mun lægra en sú upphæð sem aðrar Norðurlandaþjóðir eyða í málaflokkinn.

Meira en 5 milljónir manna, 10 ára og eldri, eru ólæsar í Úganda samkvæmt nýjum gögnum sem Hagstofa landsins hefur lagt fram. Byggt er á upplýsingum um menntunarstig í landinu frá árinu 2002.

Um 1000 manns söfnuðust saman á götum Kampala, höfuðborgar Úganda, fyrir helgi til að mótmæla fyrirhuguðum breytingum á stjórnarskrá landsins sem meðal annars fela í sér ákvæði um að núverandi forseti geti setið áfram á valdastóli. Er þetta í fyrsta sinn sem almenningur lætur í ljós óánægju og gagnrýnir stjórnvöld með þessum hætti og er því um sögulegan viðburð að ræða. Mótmælin fóru friðsamlega fram.

Bill Clinton fyrrverandi Bandaríkjaforseti hyggst heimsækja Sri Lanka á næstunni í þeim tilgangi að skoða uppbyggingarstarfið sem þar fer fram eftir hamfaraflóðin á síðasta ári og aðkomu Sameinuðu þjóðanna að því. Loforð um gríðarlegar fjárhæðir hafa borist stjórnvöldum á eynni, en vandasamt hefur hins vegar reynst að skipuleggja uppbyggingarstarfið á árangursríkan hátt og samhæfa starf fjölda stofnana, frjálsra félagasamtaka og einstaklinga.

Lesa meira

Hrókurinn, Skáksamband Namibíu, í samvinnu við ÞSSÍ, stóðu að öflugu skákmóti í Windhoek, höfuðborg Namibíu, laugardaginn 20. mars. Þátttakendur voru 66 talsins sem er gífurleg aðsókn sjálfa þjóðhátíðarhelgina þegar flestir landsmenn höfðu hugann við forsetaskiptin og gleðskapinn er þeim fylgdu.

Lesa meira

Þingkonan Doreen Sioka hefur verið kjörin til að gegna embætti varaforseta þjóðings Namibíu og er það í fyrsta sinn, frá því landið hlaut sjálfstæði, sem kona er valin til starfans. Litið er á embættisveitinguna sem mikilvægt framfaraskref í átt til jafnréttis.

Lesa meira

Nýr forseti sór embættiseið í Namibíu í dag og um leið lauk 15 ára valdatíma Sam Nujoma fráfarandi forseta sem leiddi sjálfstæðisbaráttu þjóðarinnar. Nýi forsetinn, Hifikepunye Pohamba, hefur verið náinn samstarfsmaður Nujoma í 40 ár og hefur lýst því yfir að hann hyggist halda áfram á sömu braut og fyrirrennari hans í uppbyggingu landsins. Umdæmisstjóri ÞSSÍ var viðstaddur athöfnina.

Lesa meira

Breska ríkisútvarpið BBC ætlar að leggja áherslu á umfjöllun um Afríku á þessu ári og verður heil vika sérstaklega lögð undir útsendingar frá álfunni þar sem fjallað verður um mannlíf og menningu. Fréttatengdir þættir munu setja málefni Afríku á oddinn og vinsæll morgunþáttur á BBC verður sendur út beint þaðan.

Lesa meira

Hæstiréttur Namibíu hefur ógildað úrslit þingkosninganna, sem fram fóru í landinu í nóvember síðast liðnum. Tveir stjórnarandstöðuflokkar véfengdu úrslitin og kröfðust þess að endurtalning atkvæða færi fram. Kosningarnar sjálfar eru hins vegar sagðar löglegar í dómi Hæstaréttar og þarf því ekki að endurtaka þær. Samkvæmt dóminum á endurtalningu að vera lokið í síðasta lagi 20. mars, einum degi áður en nýr forseti sem kjörinn var sver embættiseið.

Lesa meira

88% íbúa í Evrópusambandslöndunum hafa aldrei heyrt getið þúsaldarmarkmiða Sameinuðu þjóðanna (Sþ) um þróun. Þetta kemur fram í könnun sem gerð var á vegum Eurobarometer í öllum löndum ESB. Í Svíþjóð var hæsta hlutfall þeirra sem vissi eitthvað um málið (27%), en fæstir höfðu heyrt talað um það í Frakklandi og á Möltu (4%). Rúm fjögur ár eru liðin frá því þúsaldarmarkmið Sþ. voru sett.

Lesa meira

Áhersla var lögð á konur og baráttuna gegn alnæmi á alþjóða kvennadeginum sem haldinn var hátíðlegur i Mósambík á þriðjudag líkt og víða annars staðar. Virgília Matabele kvenna- og félagsmálaráðherra landsins kynnti regnhlífasamtök sex samtaka sem starfa með alnæmissmituðum konum sem hlotið hafa nafnið Kuyakana. Ráðherrann hvatti frjáls félagasamtök og stofnanir til að beina sjónum sínum að alnæmissmituðum og forvörnum með sérstaka áherslu á munaðarlaus börn.  Hún sagði jafnframt að brjóta þyrfti þagnarmúrinn og vinna gegn fordómum vegna alnæmis því að sjúkdómurinn snerti alla. Mósambík er eitt af samstarfslöndum ÞSSÍ og hafa frjálsu félagasamtökin AVIMAS, sem stofnunin starfar með þar í landi, lagt málefninu lið.

Lesa meira

Þróunarsamvinnustofnun Íslands (ÞSSÍ) hefur afhent frumstæðum þjóðflokki Himba í Norður-Namibíu færanlegan leikskóla. Himbar hafa átt í erfðileikum með að veita börnum sínum tilhlýðlega menntun þar sem um er að ræða hirðingjaþjóð sem flakkar landssvæða á milli með húsdýr sín eftir því hvar vatn og beitiland er að finna. Leikskólinn er sagður mikill akkur fyrir yngstu börnin.

Þróunarsamvinnustofnun Íslands (ÞSSÍ) og Samband íslenskra kristniboðsfélaga (SÍK) hafa náð samkomulagi um samvinnu við uppbyggingu þriggja framhaldsskóla í Kenýu. Unnið verður sameiginlega að fjármögnun á framkvæmdum við skólana sem eru í Sook, Riwo og Chepkalit.

Lesa meira

Komið er út á vegum ÞSSÍ stefnurit í jafnréttismálum en í því segir m.a. að almennt samkomulag sé nú á milli aðildarþjóða Sameinuðu þjóðanna um að kynjajafnrétti sé forsenda fyrir réttlátri og árangursríkri þróun. Þá segir einnig að samkomulag sé um aðgerðir til að vinna gegn kynjamismunum.

Lesa meira

Þróunarsamvinnustofnun Íslands (ÞSSÍ) auglýsir eftir ungu háskólafólki, sem áhuga hefur á starfsþjálfun í tengslum við þróunaraðstoð í samstarfslöndum stofnunarinnar í Afríku, en þau eru Namibía, Malaví, Mósambík og Uganda. Starfsþjálfunin mun hefjast í aprílmánuði komanda í Mósambík og Úganda og í júnímánuði í Namibíu og Malaví. Gert er ráð fyrir fimm mánaða samfelldri starfsþjálfun í hverju landanna. Ráðinn verður einn einstaklingur til starfsþjálfunar í hverju landi eða samtals fjórir.

Lesa meira

Þróunarsamvinnustofnun Íslands auglýsir til umsóknar styrki til meistara- og doktorsnáms á starfssviði stofnunarinnar. Að þessu sinni verður veittur einn styrkur til doktorsnáms og tveir til meistaranáms.

Lesa meira

ÞSSÍ leitar nú eftir háskólamenntuðum sérfræðingi til starfa við rannsóknarstofur sjávarútvegsráðuneytisins í Mósambík.

Lesa meira

Chandrika Bandaranaike Kumaratunga forseti Sri Lanka segir að uppbygging í landinu eftir hamfaraflóðin muni hefjast 1. mars. Yfirlýsingar fjölda erlendra ríkja og samtaka liggja fyrir um aðstoð við starfið sem framundan er. Aðstoðarframkvæmdastjóri ÞSSÍ heldur til Sri Lanka í næstu viku til viðræðna við stjórnvöld um aðkomu Íslendinga að uppbyggingarferlinu, en hérlend stjórnvöld ákváðu í ljósi gífurlegs tjóns sem hlaust af völdum flóðanna að leggja fram 50 milljóna króna aukframlag til þróunarasamstarfs á Sri Lanka, til viðbótar þeim 25 milljónum sem þegar hafði verið ákveðið að verja til málefnisins á þessu ári.

Lesa meira

Stjórnvöld á Sri Lanka telja að kostnaður við uppbyggingu þar í landi eftir flóðahamfarirnar muni nema um 1,5 milljarði bandaríkjadala, samsvarandi rúmlega 90 milljörðum íslenskra króna. Árni Helgason aðstoðarframkvæmdastjóri Þróunarsamvinnustofnunar Íslands (ÞSSÍ) heldur utan í febrúarlok til að undirbúa tvíhliða þróunarsamvinnu Íslands við Sri Lanka, en 75 milljónum króna verður varið til verkefnisins á þessu ári.

Lesa meira

Forseti Malaví ætlar að veita 9,3 milljónum bandaríkjadala, jafnvirði um 570 milljóna króna, í lán til stofnunar lítilla fyrirtækja í fátækustu héruðum landsins. Með því segist hann vera að efna kosningaloforð. Malaví er eitt af samstarfslöndum ÞSSÍ.

Lesa meira

Aðstoð ríkustu þjóða heims til þróunarríkja hefur lækkað hlutfallslega um helming síðustu fjóra áratugi. Þróunaraðstoð nam að meðaltali um 0,24% af vergri landsframleiðslu (VLF) árið 2003, samsvarandi tæpum 5.000 krónum á mann, en stóð í 0,48% árið 1960. Þetta kemur fram í nýlegri skýrslu bresku mannréttindasamtakanna Oxfam.

Lesa meira

Kofi Annan framkvæmdastjóri Sameinuðu þjóðanna sagði við upphaf fundar 25 leiðtoga Afríkuríkja í gær að ekki væri unnið nægilega vel að því í álfunni að ná þúsaldarmarkmiðunum um þróun. ,,Þjóðir Afríku eru eftirbátar annarra þróunarríkja í þessu tilliti,” sagði Annan.

Lesa meira

Ný skýrsla þróunarstarfs Sameinuðu þjóðanna (UNDP) um leiðir til að ná svonefndum þúsaldarmarkmiðum um þróun hefur víða fengið góðar viðtökur. Skýrslan ber heitið Fjárfest í þróun, en í henni setja fræðimenn fram tillögur um hvernig unnt er að berjast á árangursríkan hátt gegn fátækt og misskiptingu í heiminum.

Lesa meira

Hvernig frjáls viðskipti geta hjálpað Afríkuríkjum í baráttunni gegn fátækt var umfjöllunarefni Geirs H. Haarde, fjármálaráðherra og starfandi utanríkisráðherra, í inngangerindi sem hann flutti á ráðherrafundi Norðurlanda og 20 Afríkuríkja í Dar es Salaam í Tansaníu. Yfirskrift ráðstefnunnar var: ,,Viðskipti og þróun: hvað er í húfi fyrir Afríku?”

Lesa meira

Uppbygging eftir flóðahamfarirnar á Sri Lanka mun kosta milljarða að sögn forseta landsins. Alþjóðagjaldeyrisstofnunin (IMF) spáir því að hagvöxtur muni lækka um 1% á þessu ári. Fulltrúi Þróunarsamvinnustofnunar Íslands (ÞSSÍ) mun halda til Sri Lanka innan skamms til viðræðna við stjórnvöld um það hvernig stofnunin getur komið að þróunar- og endurreisnarstarfi á eyjunni.

Lesa meira

Svíar ætla að draga verulega úr tvíhliða þróunaraðstoð við fjögur lönd á næstu árum; Suður-Afríku, Indland, Namibíu og El Salvador. Öll þessi lönd hafa fengið umtalsverða aðstoð frá Svíþjóð.

Lesa meira

Jónína Einarsdóttir hefur verið ráðin í nýja lektorsstöðu í mannfræði þróunar við mannfræði- og þjóðfræðiskor félagsvísindadeildar Háskóla Íslands (HÍ). Þróunarsamvinnustofnun Íslands (ÞSSÍ) kostar stöðuna til þriggja ára. Hlutverk Jónínu verður meðal annars að byggja upp meistaranám við HÍ á þessu sviði, en það verður í fyrsta sinn sem boðið er upp á slíkt nám í íslenskum háskóla.

Bretar hafa heitið því að greiða 10% af erlendum skuldum þróunarríkja og er litið á það sem framlag Bretlands til baráttunnar gegn fátækt. Þetta kom fram í máli Gordons Brown fjármálaráðherra Bretlands um helgina þegar hann var í opinberri heimsókn í Afríku sunnanverðri. Fjárhæðirnar sem um ræðir eru taldar nema allt að einum milljarði sterlingspunda, jafnvirði um 117 milljarða íslenskra króna. Þegar Brown var staddur í Mósambík, einu af samstarfslöndum ÞSSÍ, hét hann því að skuldir landsins af erlendum lánum upp á um 80 milljónir sterlingspunda yrðu látnar niður falla.

Lesa meira

Talsmaður Matvæla- og landbúnaðarstofnunar Sameinuðu þjóðanna (FAO) segir að framboð fisks hafi dregist saman um allt að 90% á þeim svæðum sem verst urðu úti í hamfaraflóðinu í Suður-Asíu og hafi efnahagsgrundvöllur sjómanna hrunið. Sri Lanka er þar á meðal og eru fulltrúar FAO þegar farnir til lansins til að meta ástandið og veita stjórnvöldum ráðgjöf um hvernig unnt er að byggja upp fiskimannasamfélögin. Sögusagnir um að aflinn sem nú komi á land sé hættulegur til neyslu eykur enn á vandann.

Uppbyggingarstarf hefst innan skamms á Sri Lanka og sagði forseti landsins í gær að sérstök áhersla yrði lögð á fiskimannasamfélögin. Fulltrúi Þróunarsamvinnustofnunar Íslands (ÞSSÍ) mun halda til Sri Lanka fljótlega til viðræðna við stjórnvöld um það hvernig stofnunin getur komið að þróunar- og endurreisnarstarfi á eyjunni.

Lesa meira

Svíar ætla að draga verulega úr tvíhliða þróunaraðstoð við fjögur lönd á næstu árum; Suður-Afríku, Indland, Namibíu og El Salvador. Öll þessi lönd hafa fengið umtalsverða aðstoð frá Svíþjóð.

Lesa meira

Kofi Annan framkvæmdastjóri Sameinuðu þjóðanna (Sþ) sagði eftir heimsókn sína til Sri Lanka um helgina að mikilvægt væri að uppbygging hæfist á flóðasvæðunum við Indlandshaf. Lagði hann áherslu á að þeir fjármunir sem rynnu til neyðarhjálpar á hamfarasvæðunum bættust ofan á þau framlög sem þegar hefðu verið eyrnarmerkt þróunarmálum og baráttunni gegn fátækt í þróunarríkjunum. Ríkisstjórn Íslands samþykkti í síðustu viku að þrefalda framlög til þróunarsamvinnu við stjórnvöld á Sri Lanka og verður alls 75 milljónum króna varið til uppbyggingarstarfs þar í landi á þessu ári á vegum Þróunarsamvinnstofnunar Íslands (ÞSSÍ).

Lesa meira

Norræna Asíu stofnunin (Nordic Institute of Asian Studies - NIAS) hefur opnað upplýsingavef um hamfarirnar sem urðu af völdum jarðskjálftans í Indlandshafi. Markmið stofnunarinnar er að veita ítarlegar upplýsingar um þau lönd sem illa urðu úti og verður ekki síst fylgst með þeirri enduruppbyggingu sem nú stendur fyrir dyrum.

Lesa meira

Ríkisstjórn Íslands hefur samþykkt að þrefalda framlög til þróunarsamvinnu við stjórnvöld á Sri Lanka og verður alls 75 milljónum króna varið til uppbyggingarstarfs þar í landi á þessu ári á vegum Þróunarsamvinnstofnunar Íslands (ÞSSÍ). Stofnunin mun starfa með stjórnvöldum á Sri Lanka að þeim verkefnum sem þau telja brýnust. Aukin framlög Íslands til þróunarsamstarfs við stjórnvöld á Sri Lanka gera ÞSSÍ kleift að hefjast handa fyrr en áætlað var auk þess sem unnt er að ráðast í stærri verkefni.

Lesa meira

Gordon Brown fjármálaráðherra Bretlands hvetur þjóðir heims til að tvöfalda framlög til þróunaraðstoðar og fella niður skuldir þróunarríkja. Hann vill að nokkurs konar Marshall-aðstoð komi til í baráttunni gegn fátækt. Bretar hafa tekið við forsæti í G8-hópnum, samtökum helstu iðnríkja heims.

Lesa meira

Náttúruhamfarirnar í Suður-Asíu munu að líkindum hafa áhrif á fyrirætlaða samvinnu Þróunarsamvinnustofnunar Íslands (ÞSSÍ) og stjórnvalda á Sri Lanka sem á að hefjast á þessu ári. Vænta má áherslubreytinga, en öll verkefni sem ÞSSÍ tekur að sér eru unnin á forsendum samstarfslandanna, í anda stefnu stjórnvalda þar og með hliðsjón að starfi annarra þróunarsamvinnustofnanna í landinu. Sri Lanka varð mjög illa úti þegar flóðbylgja skall á landinu í kjölfar jarðskjálftans undan strönd Indónesíu á annan dag jóla og var skaðinn mestur í fiskimannasamfélögunum. Fyrirhugað er að þróunarstarf ÞSSÍ verði að mestu á sviði fiskimála, en samkvæmt samþykktum áætlunum verður 25 milljónum króna varið til þróunarsamvinnu á Sri Lanka á þessu ári.

Ein stærsta spurningin sem ríkustu þjóðir heims hyggjast svara á árinu 2005 er hvernig unnt sé að útrýma fátækt. Mörgu hefur þegar verið lofað, en efndir hafa oft látið á sér standa. Helstu leiðtogar heims velkjast hins vegar ekki í vafa um að vinna þarf að því að finna varanlegar lausnir á málefnum þróunarríkja og munu augu alþjóðsamfélagsins því beinast að þessu máli sem aldrei fyrr á þessu ári.

Í mörgum þróunarlöndum eru stundaðar fiskveiðar, en jafnan er veiðimennina að finna í fátækustu þjóðfélagshópunum. ÞSSÍ hefur lagt áherslu á aðstoð við uppbyggingu í fiskimálum í 4 samstarfslöndum í Afríku. Víðast hvar er meðferð á fiskinum mjög ábótavant enda er kælingin engin í þeim mikla hita sem orðið getur í álfunni. Árni Helgason aðstoðarframkvæmdastjóri ÞSSÍ segir í viðtali við Fiskifréttir að talið sé að um 30-40% af fiski sem kemur af löndunarstöðunum í Úganda séu óhæf til vinnslu til útflutnings.

Armando Guebuza leiðtogi stjórnarflokksins Frelimo fór með sigur af hólmi í nýafstöðnum forsetakosningum í Mósambík. Á þriðju viku tók að telja atkvæðin en endanleg úrslit voru kynnt í gær. Afonso Dhlakama formaður stjórnarandstöðuflokksins Renamo hefur gagnrýnt framkvæmd kosninganna og sakað stjórnvöld um kosningasvindl.

Lesa meira

Misnotkun á fé Evrópusambandsins (ESB) sem ætlað er til þróunarmála er víðtækt og viðvarandi vandamál. Á þessu ári komu 52 ný mál til kasta eftirlitsstofnunar framkvæmdastjórnar ESB (Anti-Fraud Office of the European Commission) sem reynir að koma í veg fyrir skipulagða svikastarfsemi. Koos Richelle, framkvæmdastjóri þróunarmála hjá ESB, segir að svikastarfsemin teygi anga sína víða og sé vel skipulögð.

Lesa meira

Ríkar þjóðir þurfa að leggja til mun meira fjármagn en nú er gert svo unnt sé að ná markmiðum Sameinuðu þjóðanna um að draga úr fátækt í heiminum. Þetta segir í yfirlýsingu sem ráðherrar þróunarmála á Norðurlöndunum sendu frá sér í gær. Mat verður lagt á það á næsta ári hvort markmið um að fækka fátækum í heiminum um helming fyrir 2015 muni nást miðað við þá vinnu sem þegar hefur verið innt af hendi.

Lesa meira

Jólin eru mesta hátíð ársins víðast hvar í Afríku jafnvel þótt milljónir manna í álfunni hafi ekki efni á að eyða miklu í mat, drykk eða gjafir. Heitasti tími ársins er farinn í hönd sunnan miðbaugs, í Afríkuríkjum er hitastigið yfir hátíðarnar um og yfir 40° C. Jólahaldið er því að mörgu leyti með öðru sniði en Vesturlandabúar eiga að venjast.

Lesa meira

Heilbrigðisyfirvöld í Malaví munu fá 100 milljónir breskra punda, samsvarandi um 12 milljarða íslenskra króna, frá bresku Þróunarsamvinnustofnuninni á næstu sex árum. Fjármununum verður varið til þess að veita alnæmissjúkum viðeigandi meðferð án endurgjalds, auk þess sem stefnt er að fækka dauðsföllum kvenna í barnsnauð og lækka dánartíðni barna. Einnig er stefnt að því að greiða læknum, hjúkrunarfólki og öðru heilbrigðisstarfsfólki hærri laun og fjárfesta í betri menntun þeim til handa.

Lesa meira

Minnihluti barnshafandi kvenna í Úganda, sem er eitt af samstarfslöndum ÞSSÍ, þorir að fara í alnæmispróf af ótta við refsingu eiginmanna. Mörg dæmi eru þess að þeir hóti eiginkonum sínum skilnaði vilji þær fara sjálfviljugar í alnæmispróf. Meira en 1 milljón íbúa í Úganda er smituð af alnæmi og talið er að um 100 þúsund manns hafi látist af völdum sjúkdómsins á síðasta ári.

Heldur dræm kosningaþátttaka virðist hafa verið í forseta- og þingkosningunum í Mósambík sem fram fóru í landinu í gær og fyrradag. Fullyrt var að óbærilegur hiti á sumum stöðum og úrhellis rigning á öðrum hefði komið í veg fyrir að fólk færi á kjörstað. Bæði Chissano fráfarandi forseti og Arao Litsuri formaður landskjörstjórnar hvöttu kjósendur til að mæta á kjörstað ,,það væri skylda fólks við lýðræðið í landinu”. Orð þeirra reyndust ekki hafa þau áhrif sem vonast var eftir.

Lesa meira

Forseta- og þingkosningar fara fram í Mósambík í dag og á morgun. Lítill munur er talinn vera á fylgi tveggja helstu keppinautanna um forsetastólinn og ríkir því mikil spenna í landinu vegna kosninganna. Ríkisstofnunum og flestum einkafyrirtækjum hefur verið lokað í tvo daga og fólk hvatt til að nýta kosningarétt sinn.

Lesa meira

Knattspyrnuhetjurnar Ronaldo og Zinédine Zidane hafa samþykkt að fá skærustu stjörnur íþróttarinnar til að taka þátt í vináttuleik 14. desember næstkomandi í Madríd. Yfirskrift keppninnar er Einvígi gegn fátækt en allur ágóði af leiknum mun renna til uppbyggingar í fátækustu löndum heims. Ronaldo og Zidane eru báðir góðgerðarsendiherrar Þróunarstofnunar Sameinuðu þjóðanna (United Nations Development Programme - UNDP).

Lesa meira

Evrópusambandið og lýðræðisstofnun Jimmy Carters fyrrverandi Bandaríkjaforseta segja teikn á lofti um að reglum um lýðræðislegar kosningar verði ekki framfylgt í komandi forseta- og þingkosningum í Mósambík. Áhyggjur manna beinast að tveimur þáttum, annars vegar fá kosningaeftirlitsmenn ekki fullan aðgang að herbergjum þar sem skráning atkvæða í tölvur fer fram og hins vegar verður þeim meinað að fylgjast með fundum landskjörstjórnar þegar endurskoðun vafaatkvæða fer fram. Fjöldi kosningaeftirlitsmanna verður viðstaddur kosningarnar sem fram fara 1. og 2. desember.  

Lesa meira

Eins og ráð hafði verið fyrir gert stóðu fulltrúar stjórnmálaflokksins Swapo uppi sem sigurvegarar í nýafstöðnum forseta- og þingkosningum í Namibíu. Stærsti stjórnarandstöðuflokkurinn Congress of Democrats (CoD) dregur niðurstöður kosninganna í efa, sakar stjórnvöld um kosningasvindl og hefur óskað eftir endurtalningu atkvæða.

Lesa meira

Talning atkvæða eftir forseta- og þingkosningar í Namibíu stendur enn yfir og mun taka nokkurn tíma að ljúka þeirri vinnu. Ekkert bendir til annars en að Hifikepunye Pohamba taki við af Sam Nujoma sem forseti landsins. Pohamba hefur lýst því yfir að engar breytingar verði gerðar á stefnu stjórnvalda nái hann kjöri og því hafa niðurstöður kosninganna engin áhrif á starf ÞSSÍ í Namibíu.

Lesa meira

Stjórnvöld í Malaví hafa miklar áhyggjur af mengun vatnsbóla í landinu og eru horfur slæmar ef ekki verður gripið til fyrirbyggjandi aðgerða. Þrátt fyrir að vatnsuppsprettur, stöðuvötn, ár og fen séu víða í Malaví er óttast að gífurleg fólksfjölgun, álag á einstökum svæðum og afleitt eftirlit geti leitt til verulegs vatnsskorts á næstu tveimur áratugum.  

Hagvöxtur í þróunarlöndunum á þessu ári verður sá mesti sem um getur síðan árið 1974 að því er fram kemur í mati Alþjóðabankans (World Bank). Útlit er fyrir að nokkur fjöldi ríkja muni ná þúsaldarmarkmiðum Sameinuðu þjóðanna um þróun sem miða að því að fækka fátækum um helming fyrir árið 2015. Ekki er þó talið að Afríkuríki sunnan Sahara verði í þeim hópi.

Lesa meira

Úrhellisrigning í Namibíu hefur valdið því að forseta- og þingkosningar í landinu fóru treglega af stað. Kosningarnar standa yfir í tvo daga, 15. og 16. nóvember. Leiðtogaskipti fara fram í fyrsta sinn síðan landið fékk sjálfstæði 1990, en ekki er búist við stjórnarfarsbreytingum og munu forsetaskiptin því engin áhrif hafa á störf Þróunarsamvinnustofnunar Íslands (ÞSSÍ) í Namibíu.

Lesa meira

Markaðssetning á sviði sjávarútvegs gæti verið eitt helsta framlag Íslendinga til þróunaraðstoðar að mati Ágústs Einarssonar prófessors í hagfræði við Háskóla Íslands. Þetta kom fram í erindi sem hann flutti á málþingi um þróunaraðstoð Íslendinga í veiðum og sjávarútvegi sem haldið var á Grand hótel Reykjavík, miðvikudaginn 10. nóvember. Jónas Haralz hagfræðingur sagði í sínu erindi að hann teldi að varanlegur árangur hefði ekki náðst í stórum verkefnum í fiskveiðum og sjávarútvegi sem fjölþjóðlegar stofnanir hefðu haft umsjón með í þremur samstarfslöndum Þróunarsamvinnustofnunar Íslands (ÞSSÍ). Hins vegar hefðu umrædd verkefni skilað tímabundnum árangri sem einkum fælist í menntun heimamanna. 

Lesa meira

Lesa meira

Þróunarsamvinnustofnun Íslands (ÞSSÍ) og ABC barnahjálp hafa gert samning um samstarf í þróunaraðstoð. Einkum verður unnið að framgangi mála er varða fátæk og munaðarlaus börn í þróunarlöndum.

Lesa meira

Þróunarsamvinnustofnun Íslands (ÞSSÍ) skoðar nú fjögur ný ríki með hugsanlegt samstarf í huga. Um er að ræða Mið - Ameríkuríkið Nikaragúa, Afríkuríkin tvö Ghana og Madagaskar, auk Sri Lanka. Eitt af meginviðmiðum í tvíhliða þróunarsamvinnu Íslendinga er að vinna gegn fátækt og er áhersla lögð á samstarf við lönd þar sem lífskjör eru lökust að mati alþjóðlega viðurkenndra stofnana.

Lesa meira

Nýr samningur um þróunarsamvinnu Íslands og Namibíu var undirritaður í Windhoek, höfuðborg Namibíu, í morgun. Í samningnum er kveðið á um vilja þjóðanna til að vinna sameiginlega að aukinni hagsæld og eflingu félagslegrar þróunar í Namibíu. Um er að ræða almennan rammasamning um verklagsreglur og aðferðafræði í því sambandi.

Lesa meira

Sighvatur Björgvinsson, framkvæmdastjóri Þróunarsamvinnustofnunar Íslands, hefur ráðið Telmu L. Tómasson til starfa sem fjölmiðlafulltrúa stofnunarinnar.

Lesa meira

Þróunarsamvinnustofnun Íslands auglýsir til umsóknar styrki til meistara- og doktorsnáms á starfssviði stofnunarinnar. Að þessu sinni verður veittur einn styrkur til doktorsnáms og tveir til meistaranáms.

Lesa meira