Myndbönd
Playlist
Vatnsból fyrir hjarðmenn
Himbar í Namibíu eru sérstakur ættbálkur sem lifir við erfið skilyrði á hrjóstrugum lendum. Nautgripir og menn þurfa vatn - og Íslendingar hafa styrkt gerð vatnsbóla svo byggðin megi haldast.
Okavango óshólmarnir - myndasýning
Náttúruundur, fegurð, hér eru myndirnar frá Botswana þar sem stófljótið rennur inn í Kalahari eyðimörkina og myndar óshólma áður en það gufar upp! Kemst aldrei til sjávar.
Frelsissöngurinn
Lucius Banda er þekktasti baráttusöngvari Malaví. Hér syngur hann frelsissönginn fyrir það fólk sem myndirnar eru af.
Þróunarsamvinnuverkefni Íslands í Malaví - heimsókn
Við heimsækjum vettvang þeirra verkefna sem Íslendingar styðja í Malaví.
Íslendingar afhenda nýjan skóla í Malaví
Glæsilegur barnaskóli í héraðinu Mangochi þar sem helmingur 300 000 grunnskólabarna situr undir tré og lærir því fáar eru skólastofurnar. Hér eru stofurnar hreinar og bjartar og með húsgögnum sem ekki er alltaf raunin innan skólaveggja. Mikil gleði og gaman! Ræður ungmenna, söngur og dans og kennarar og foreldrar með.
Götumarkaður - líf og fjör
Helgarinnkaupin eru með öðrum blæ í Malaví en á Íslandi. Fæstir fara í stórmarkað á okkar vísu, en flestir á stórmarkað götunnar þar sem skyndibitinn er í senn kunnuglegur og framandi, kjötkaupmaðurinn lætur steikina jarma framan í mann og kjúklingarnir fara í kippum í skottið - fjaðrir og allt!
Hljómsveit í sveitaþorpi
Það þarf ekki mikið til að stofna hljómsveit og spila fyrir dansi! Ekta fjör með heimagerðum hljóðfærum og spriklandi dansar með tilheyrandi skellum.
Göngusafarí á villidýramörk
Það er óneitanlega spennandi að ganga með leiðsögumanni og vopnuðum verði um villidýraslóðir í þjóðgarði í Zambíu. Við erum óboðnir gestir á fæti meðal dýranna, hittum fjölda fíla,apa, antilópur og flóðhesta... Gönguferðin hér tekur 10 mínútur.
Malavi - föstudagurinn langi
Skrúðgöngur um allan bæ til að minnast frelsarans, en ekki er nú andblær hátíðahaldanna beint eins og Passíusálmunum. Malavar mæta snemma til kirkju föstudaginn langa og taka daginn í að fanga um bæinn þar til loks komið er með krossinn aftur til kirkju. Við skoðum þrjár göngur sem minnast krossfestingarinnar með mjög ólíkum hætti miðað við það sem gerist á Íslandi.
Galdradans
Þegar mikið stendur til í Malvaí er kallað á galdradansara. Þeir eru grímubúnir og klæddir skrautbúningum og eiga að minna á fornar vættir; hver hefur sína eiginleika. Hér er dansað til heiðurs Íslendingum og þakkað fyrir þróunarverkefni.
Sveitalíf í Malaví
Uppskera nálgast! Vel hefur rignt, akrar í blóma og innan tíðar fá allir nóg að borða. Nokkur þrumuský hanga enn yfir landinu og boða ekkert nema gott, fólkið er glatt. Tónlistin er frá Super Mama Djambo og við segjum einfaldlega: Kaupið diskinn þeirra! Hann er frábær. Í þessu lagi syngur Egill Ólafsson með. (Mars 2009).
Rauðarárstígur 27, 125 Reykjavík, sími: 545 8980 Bréfasími: 545 8985 Netfang: iceida@iceida.isÞetta vefsvæði byggir á Eplica